PROFILI I INSTITUCIONIT Misioni dhe roli MiA Finance sh.a ka për mision të ofrojë shërbime financiare me akses të gjerë ne komunitet, të sigurta dhe të përshtatura për individët dhe bizneset e vogla që nuk kanë akses të plotë në sistemin tradicional bankar. Institucioni synon të fuqizojë klientët përmes kreditimit, duke kontribuar në rritjen e mirëqenies ekonomike dhe sociale të komuniteteve ku operon. Roli i institucionit • Vepron si një institucion kreditimi që plotëson boshllëqet e tregut financiar, duke u fokusuar tek segmentet e popullsisë me të ardhura të ulëta ose të mesme. • Ofron kredi të thjeshta dhe fleksibile për individë dhe mikro-ndërmarrje, duke ndihmuar në zhvillimin e aktiviteteve ekonomike dhe rritjen e qëndrueshmërisë financiare. • Luan rol social duke promovuar përfshirjen financiare dhe mbështetjen e sipërmarrjes së vogël. Shërbimet/produktet kryesore • Kredi konsumatore për individë. Për persona që gjenerojnë të ardhura të mjaftueshme për të mbuluar shpenzimet e jetesës dhe për të shlyer këstet e kredisë. • Kredi biznesi për mikro-ndërmarrje dhe sipërmarrës të vegjël. Të orientuara drejt sektorëve si tregtia, shërbimet, bujqësia, blegtoria, frutikultura, serrat, agroindustria, artizanati, turizmi dhe industri të tjera të ngjashme. Tregu ku operon • Fokus në tregun shqiptar, me orientim drejt zonave urbane, sub-urbane dhe rurale ku mungon mbështetja e bankave tradicionale. • Segmenti i klientëve përfshin mikro-ndërmarrjet, fermerët, sipërmarrësit e vegjël, si dhe individët që kërkojnë financim për nevoja personale ose profesionale.